सुनसरी– कर्मचारीहरूमा नयाँ भेरियन्ट सहितको कोरोना संक्रमण पुष्टि भएपछि इटहरी उपमहानगरपालिकाले अति आवश्यक बाहेकका सबै सेवा बन्द गरेको छ ।

इटहरी उपमहानगर कार्यालयमा कार्यरत आधा दर्जन कर्मचारीमा नयाँ भेरियन्ट सहितको कोरोना संक्रमण पुष्टि भएपछि नगर कार्यपालिकाको आकस्मिक बैठकले अत्यावश्यक बाहेका सेवा बन्द गर्ने निर्णय गरेको हो ।

कार्यपालिकाको एक सूचना जारी गर्दै उपमहानगरपालिकाले आगामी १९ वैशाखदेखि २४ गतेसम्म कार्यालयको अति आवश्यकीय कामबाहेक सबै सेवाहरू बन्द गर्ने जनाएको छ ।

उपमहानगरको राजस्व शाखामा कार्यरत कर्मचारी र विभिन्न शाखामा कार्यरत कर्मचारीहरूमा समेत कोरोना पुष्टि भएको छ । जस कारण सेवाग्राहीमा पनि संक्रमण देखा पर्नसक्ने खतरालाई मध्यनजर गर्दै उपमहानगरको सेवाहरू बन्द गरिएको जनाएको छ ।

यस्तो छ सूचना