काठमाडौँ— नेकपा एमालेका वरिष्ठ नेता माधवकुमार नेपाल समूह निटक युवा संघ नेपालले कोरोना महामारी रोकथामका लागि देशभर दश हजार स्वयम् सेवक परिचालन गर्ने भएको छ ।

केन्द्रीय कार्यालय बबरमहलमा बसेको केन्द्रीय कार्यालय कमिटीको बैठकले स्वयम् सेवक परिचालन गर्न केन्द्रीय समन्वय कमिटीले संयोजन गर्ने प्रवक्ता सञ्जीव राईले जानकारी दिए ।

संघका उपाध्यक्ष नितेश पौडेलको संयोजकत्वमा संयोजन कमिटी बनेको छ ।

देशभर परिचालित हुने युवाहरुले कोरोना महामारीविरुद्ध रोकथामबारे आमनागरिकलाई सचेत गराउने र उपचार नपाइरहेका संक्रमितहरुलाई समन्वय गर्ने प्रवक्ता राईले बताए ।

संघले कोरोना रोकथाम तथा उपचारका क्रममा अनियमितता र भ्रष्टाचार हुन नदिन खबरदारी पनि गर्ने भएको छ ।