काठमाडौँ— भारत सरकारले कोभिड–१९ विरुद्ध लड्न संयुक्त राष्ट्र संघ (यूएन)ले गरेको सहयोगको प्रस्ताव अस्वीकार गरेको छ ।
दुई दिन अघि राष्ट्र संघको आमसभाले कोरोना महामारीविरुद्ध लड्न भारतलाई सहयोग गर्न आवश्यक रहेको भन्दै सहयोगको प्रस्ताव गरेको थियो ।
कोरोना संक्रमणका कारण हाल भारतको अवस्था निकै जटिल भएको भन्दै राष्ट्र संघले सघाउने जनाएको थियो ।
तर, राष्ट्र संघका प्रमुख एन्टोनियो गुटेरसका उपप्रवक्ता फरहान हकका अनुसार भारतले सहयोगको प्रस्ताव अस्वीकार गरेको जनाएको समाचार एजेन्सी पीटीआईले उल्लेख गरेको छ ।
कोभिडसँग सम्बन्धित सामानहरुको आपुर्तिका लागि आवश्यक सहयोग गर्न राष्ट्र संघ तयार रहेको राष्ट्र संघले जनाएको थियो ।
– बीबीसी
प्रतिक्रिया