काठमाडौँ– पछिल्लो समय नेपालमा कोरोना संक्रमणको दर बढेको छ । संक्रमण बढेसँगै काठमाडौँ उपत्यकाका तीन जिल्लासहित संक्रमण धेरै भएका जिल्लामा बिहीबारदेखि निषेधाज्ञा जारी हुँदैछ ।

यो निषेधाज्ञा शुरू हुनुअघि घर पुग्ने हतारोमा रहेका सर्वसाधारणको भिड नयाँ बसपार्कमा देखिएको छ । बसपार्कमा भेटिएका सर्वसाधारणले गाउँ धेरै सुरक्षित भएकाले जान लागेको बताएका छन् ।

सरकारले निषेधाज्ञा जारी गरेसँगै घर जान दुई दिन समय दिएकाले पनि घरजानेको संख्या बढेको छ ।

विद्यालय बिदा भएपछि घरमै गएर अनलाइन कक्षा लिने योजनासहित विद्यार्थीले घर जाने योजना बनाएका छन् भने कार्यालय बिदा भएका कर्मचारी पनि घर जानेको लाइनमा छन् ।

अहिले नयाँ बसपार्कबाट विभिन्न जिल्लाका लागि दैनिक ४ सय सवारी छुट्ने गरेका छन् ।