—     पठानी लोध, प्रियंगुपुष्प, मैनसिल र तेजबल— यिनीहरुलाई महसँग पिसेर लगाउनाले गिजाको रोग ठीक हुन्छ ।

—     मनतातो घीउले कुल्ला गर्नाले गिजाको रोग ठीक हुन्छ ।

—     गिजामा रगतयुक्त पीप निस्कियो भने चिल्लो पदार्थ खानुहोस् र तेलले कुल्ला गर्नुहोस् । यो रोग ठीक हुन्छ ।

— लोध (चिसो ठाउँमा हुने बास्नादार फुल फुल्ने रुख), पतंग (एक प्रकारको ठूलो रुख), महुआ, लाख (एक प्रकारको सानो रातो कीरो) र मौलश्रीको चूर्ण मुखमा दल्नाले गिजाको रोग ठीक हुन्छ (यो रोग हल्लिरहेको दाँतको लागि हो ।)

—     नागरगोथे, हर्रोको बोक्रा, सुठो, खुर्सानी, पीपल, वायुविडङ्ग र नीमका पातहरुको चुर्णको गोली गोमूत्रसँग बनाएर छायाँमा सुकाउनुहोस् । सुत्ने समयमा एक गोली मुखमा राख्नाले हल्लिरहेको दाँतको पीडा हट्नेछ ।

—     दाँतमा कीरा लाग्यो भने हिङलाई तताएर दाँतको बीचमा च्यापेर राख्नुहोस्, यसो गर्नाले दाँतका कृमिहरु मर्नेछन् ।

—     समुद्रझाग, नरकचू, सुठो र अकरकराको चूर्ण दाँतहरुमा लगाउनाले सर्किएको दाँत ठीक हुन्छ ।

—     पाँचवटै नुनहरु, नीलोतुथो, सुठो, खुर्सानी, पीपल, पीपलामुख, माजूफल र वायुविडङ्गलाई पिसेर चूर्ण बनाएर दाँतहरुमा मञ्जन गर्नुहोस् । समस्त रोगहरु हट्नेछन् ।

साभार : ‘विश्वका उत्कृष्ट प्रेरक प्रसङ्गहरु’ पुस्तकबाट