चिया उद्योगमा आगलागी हुँदा १० लाखको क्षति

९ बैशाख २०७८, बिहिबार

पढ्न लाग्ने समय : < 1 मिनेट

काठमाडौँ– सूर्योदय नगरपालिका–९ गैरीगाउँस्थित ग्रामीण चिया उद्योगमा आगलागी हुँदा १० लाखको क्षति भएको छ ।

आज बिहान साढे ५ बजे आगलागी भई भण्डारमा रहेको अन्दाजी ४५ बोरा चिया जलेर नष्ट हुँदा रु १० लाख बराबरको क्षति भएको प्रहरीले जनाएको छ ।

कारखानाका कामदारले चिया पकाउने क्रममा ग्यास चुहिई आगलागी भएको थियो ।

आगो प्रहरी र स्थानीयवासीको सहयोगमा बिहान ६ बजे पूर्णरुपमा नियन्त्रणमा आएको छ । आगलागीबाट मानवीय क्षति नभएको जिल्ला प्रहरी कार्यालयले जनाएको छ।

प्रकाशित मिति : ९ बैशाख २०७८, बिहिबार १० : ४५ बजे

प्रतिक्रिया