मुम्बई–बलिउड अभिनेता रणवीर सिंह आफ्नो फेसन सेन्सका लागि प्रख्यात छन् । यी अभिनेताको पहिरनले हरेकपटक मानिसको ध्यान खिच्दछ ।

उनको क्याजुअल आउटिङ होस् या एयरपोर्ट लुक्स जुनसुकै कपडाहरु मिडियामा बहसको विषय बनिरहन्छन् ।

आजतकमा प्रकाशित समाचारअनुसार रणवीरको यिनै पहिरन कलेक्सनलाई एक प्रयोगकर्ताले रंगीबिरंगी चराहरुसँग तुलना गरेका छन् । ती प्रयोगकर्ताको काम हेर्दा रणवीरको कपडा ती चराचुरुंगीबाट प्रेरित हो कि भन्ने अनुमान लगाउन सकिन्छ ।

रणवीरले लगाएको पहेंलो रंगको सर्टको तस्वीरलाई प्रयोगकर्ताले ब्ल्याक हुडेड ओरियलको फोटोसँग तुलना गरेका छन् ।

त्यस्तै अर्को तस्वीरमा उनलाई मेरुन ओरियलसँग तुलना गरेका छन् ।

रणवीरको ब्ल्याक एण्ड ह्वाइट पोल्का डट सर्टलाई कमन स्टार्लिङसँग तुलना गरिएको छ ।

अर्को तस्वीरमा हरियो निलो रंगको इण्डियन पिटालाई रणवीरको त्यस्तै रंगको कपडासँग तुलना गरिएको छ ।

रणवीरको ‘खलिजी’ लुक्सलाई गिद्धसँग तुलना गरिएको छ । कैयौं मानिसहरुले प्रयोगकर्ताको सिर्जनाको तारिफ गरेका छन् ।