लन्डनमा गान्धीलाई उनका एक पादरी मित्रले आइतबारको दिन आफूकहाँ भोजन गर्न बोलाए । उनले गान्धीका लागि शाकाहारी भोजनको व्यवस्था गरेका थिए । उनका बच्चाहरुले गान्धीसँग सोधे— तपाइँ मासु किन खानुहुन्न ?

सबै जीवमा प्राण छ । यदि हामीलाई कसैले मारेर खायो भने कस्तो लाग्नेछ ?

बच्चाहरुले आफ्ना पादरीसँग भने— ड्याडी हामीलाई त गान्धीजीको धर्म धेरै राम्रो लाग्यो । हामी त्यसलाई नै अपनाउने छौँ ।

बच्चाका कुरा सुनेर पादरीलाई तलको जमिन खस्किएझैँ अनुभव भयो ।

उनले गान्धीसँग भने— आजदेखि म आफ्नो निमन्त्रणा फिर्ता लिन्छु । म त तपाइँलाई इसाई बनाउने उद्देश्यले मित्रता गाँसिरहेको थिएँ । तपाइँले उल्टै मेरो परिवारलाई आफूतिर तान्नुभयो ।

वस्तुतः जीवनमा विचारभन्दा अधिक आचारको प्रभाव पर्छ ।

साभार : ‘विश्वका उत्कृष्ट प्रेरक प्रसङ्गहरु’ पुस्तकबाट