दोहा- कोरोना संक्रमणबाट कुवेतमा थप एक नेपालीको मृत्यु भएको छ ।

मृत्यु हुनेमा रुपन्देहीका सम्सुधिन मुसौमन छन् ।

यसघि बिहीबार मात्र कुवेतमा कोरोना संक्रमणबाट दुई जनाको मृत्यु भएको थियो ।

पछिल्लो समय कुवेतमा कोरोना संक्रमण बढेसंगै ठूलो संख्यामा नेपालीहरु पनि संक्रमित भएको अनुमान गरिएको छ ।

कुवेतमा कोभिड १९ को संक्रमण तीब्र फैलिएपछि त्यसबाट जोगिन आवश्यक स्वास्थ्य सतर्कता अपनाउन नेपाली दूतावासले अनुरोध गरेको छ ।

दूतावासले एक विज्ञप्ति जारी गर्दै कुवेत सरकारले जारी गरेका स्वास्थ्य सुरक्षा सम्बन्धी निर्देशन, प्रोटोकल एवं पूर्वसावधानीका उपायहरूको पूर्ण परिपालना गर्न अनुरोध गरेको हो ।

यो समाचार तयार पार्दासम्म कुवेतमा कोरोना सङ्क्रमितको सङ्ख्या २ लाख ५६ हजार ९८७ पुगेको छ ।

उपचारपछि निको हुनेको सङ्ख्या २ लाख ४९ हजार ४६५ पुगेको छ भने अहिलेसम्म १ हजार ४४८ जनाको मृत्यु भैसकेको त्यहाँको स्वास्थ्य मन्त्रालयले जनाएको छ ।