वायु प्रकोप, पेटका गडबड, अजिंण, धेरै परिश्रम, तनाव, मानसिक पीडा, स्नायु दुर्बलता, मस्तिष्कमा रगतको कमिको कारण, चोटपटकको कारण आदिले विभिन्न दुखाई उत्पन्न हुन जान्छ ।

दुखाई अन्तर्गत विभिन्न रोगहरु मध्ये टाउको दुखाई, कम्मर दुखाई, गोलीगाँठा जोर्नी दुख्नु, हड्डीको दुखाई आदि पर्दछ भने पिठ्यूँको दुखाई पनि एक ठूलै समस्याको रहेको मानिन्छ ।

घरेलु उपचार

— सरस्यूँको तेलमा सौँफ हाली तताएर मालिस गर्नाले पिठ्यूँ दुख्ने छाड्छ ।

—     धतुरोको पातको रस २०० ग्राम, अडरको पातको रस २०० ग्रामलाई तिलको तेलमा मिसाई तताई पिठ्युँमा मालिस गर्नाले पिठ्यूँ दुख्न छाड्छ ।

—     हप्तामा दुईदिन मेथीको साग खानु पिठ्यूँ दुख्ने बिरामीहरुका लागि निकै राम्रो हुन्छ ।

—     गहुँको रोटीलाई एक भाग पकाउनुहोस् र एक भाग काँचै राख्नुहोस् । उक्त काँचो भागको तिलको तेल लगाई पिठ्यूँ मालिस गर्नाले निकै फाइदा पुग्दछ ।

—     जाइफललाई हल्का पानी मिलाई पिस्नुहोस् र तिलको तेल तताई चिसो बनाई पिठ्यूँमा लगाउनाले पिठ्यूँ दुख्न छाड्छ ।

—     एक चम्चा अदुवाको रसमा आधा चम्चा घ्यू पिठ्युँमा मालिस गर्नु लाभदायक हुन्छ ।

—     रायोको तेल, ल्वाङको तेल र तिलको तेल समान मात्रामा मिलाई पिठ्यूँमा मालिस गर्नाले पिठ्यूँ दुख्न छाड्छ ।

साभार  : ‘मेरो डाक्टर’ पुस्तकबाट