काठमाडौँ- त्रिकोणात्मक टी–ट्वान्टी क्रिकेट सिरिजमा आज नेदरल्यान्ड्स र मलेसिया खेल्दैछन् ।
खेल टियु अन्तर्राष्ट्रिय क्रिकेट मैदानमा अपराह्न १२:१५ बजे शुरू हुनेछ । पहिलो खेलमा नेपालसँग ९ विकेटले पराजित नेदरल्यान्ड्स पहिलो जितको खोजिमा छ ।
तर, अन्डर डग टिम मलेसिया पनि नेदरल्यान्ड्सलाई स्तब्ध पार्दै सुखद सुरुवात गर्ने लक्ष्यमा हुनेछ । मलेसियाको यो पहिलो खेल हो ।
हालसम्म मलेसिया र नेदरल्यान्ड्सले टी-ट्वान्टीमा प्रतिस्पर्धा गरेको छैन ।
डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् । प्रतियोगिताको फाइनल खेल बैशाख ११ गते हुनेछ ।
प्रतिक्रिया