काठमाडौँ– बालिकालाई वेश्यावृत्तिमा लगाएको आरोपमा काठमाडौँको कोटेश्वरबाट एक होटल सञ्चालकलाई पक्राउ परेका छन् ।

प्रहरीको मानव बेजविखन अनुसन्धान ब्यूरोको टोलीले बालिकालाई वेश्यावृत्तिमा लगाएको भन्दै कोटेश्वरस्थित एक होटल सञ्चालकलाई पक्राउ गरेको हो । प्रहरीका अनुसार पक्राउ पर्नेमा काठमाडौँको कोटेश्वरमा रहेको दीपलक्ष्मी गेष्ट हाउसका सञ्चालक दीप श्रेष्ठ रहेका छन् ।

ब्यूरोका प्रवक्ता अनुराज द्विवेदीका अनुसार होटल सञ्चालका माथि बाललिकालाई शुरूमा वेटर भनेर राखिएपनि पछि वेश्यावृत्तिमा लगाएको आरोप छ ।

शुरूमा होटलका ग्राहकसँगै बसेर खाना खाने र जबरजस्ती यौनसम्बन्ध राख्न लगाई पैसा असुल्ने तथा त्यो पैसा पनि नदिएर श्रम शोषणसमेत गरेकाले कानूनबमोजिम कारवाही गरी पाउँ भनी परेको जाहेरीका आधारमा पक्राउ गरिएको प्रहरीको भनाइ छ ।

यो विषयमा अहिले अभियुक्तलाई अदालतबाट म्याद थप गरी अनुसन्धान भइरहेको प्रहरीले जनाएको छ ।