काठमाडौँ– त्रिकोणात्मक टी-२० सिरिज आज काठमाडौँमा शुरू हुँदैछ ।

नेपाल, नेदरल्यान्ड्स र मलेसिया सम्मलित सिरिज डबल राउण्ड रोबिनका आधारमा हुनेछ । शीर्ष दुई टोलीले उपाधिका लागि खेल्नेछन् ।

उद्घाटन खेलमा आज नेपालले नेदरल्यान्ड्ससँग खेल्दैछ । खेल टियु क्रिकेट मैदानमा दिउँसो १:१५ बजे शुरू हुनेछ ।

नेपालले दोस्रो खेलमा मलेसियासँग बैशाख ६ मा खेल्नेछ । नेपालले तेस्रो खेल नेदरल्यान्ड्ससँग बैशाख ७ मा खेल्नेछ । नेपालले अन्तिम लिग खेल बैशाख ९ गते मलेसियासँग खेल्नेछ ।

प्रतियोगितमा नेपाली राष्ट्रिय टिमका पूर्वकप्तान पारस खड्काको अभाव खड्किने भएको छ । अभ्यासका क्रममा बल क्याच गर्दा घाइते भएसँगै उनले त्रिकोणात्मक सिरिज गुमाउने भएका हुन् । पारसलाई चिकित्सकले २ देखि ३ साता आराम र थेरापी गर्न सल्लाह दिएका छन्।

क्यानले पारसको स्थानमा ब्याट्सम्यान सन्दीप जोरालाई टिममा राख्दै १५ सदस्यीय राष्ट्रिय टोली घोषणा गरेको छ ।

ज्ञानेन्द्र मल्लको कप्तानीमा रहेको नेपाली टोलीमा दिपेन्द्र सिंह ऐरी, पारस खड्का, विनोद भण्डारी, सोमपाल कामी,करण केसी,सन्दीप लामिछाने, अविनाश बोहरा, आरिफ शेख,आशिफ शेख,कुशल भुर्तेल, कुशल मल्ल, कमल सिंह ऐरी,सुशन भारी,शाहब आलम रहेका छन् ।