काठमाडौं– सौन्दर्य प्रतियोगिता ‘स्टार अफ द मिलिनियम २०२१’ हुने भएको छ । जसका लागि पहिलो चरणको अडिसनबाट २० प्रतियोगी छानिएका छन् ।

राजधानीमा आयोजित प्रारम्भिक चरणको अडिसनमा ७० बढी प्रतियोगीको सहभागिता रहेको थियो । रेडियन्ट इभेन्ट म्यानेजमेन्ट एजेन्सी आयोजक रहेको प्रतियोगितामा १८ देखि ३० वर्षसम्मका विवाहित तथा अविवाहित महिला सहभागी हुन पाउनेछन् ।

प्रतियोगीलाई र्याम्प वाक, व्यक्तित्व विकास, सञ्चारकला, फोटोसेसन, स्टेज प्रस्तुति, पब्लिक स्पिकिङ, हेल्थ टिप्स, महिला सशक्तिकरण प्रशिक्षणसहित अन्तिम स्पर्धामा उत्रिनेछन् ।

एजेन्सीका प्रबन्ध निर्देशक र अन्तर्राष्ट्रिय कोरियोग्राफर राज फैजूले आगामी जेठ १ गते राष्ट्रिय नाँचघरमा फाइनल प्रतिष्पर्धा हुने बताए ।

प्रतियोगिताबाट शीर्षसहित आधा दर्जन विजेता छानिनेछन् । प्रतियोगिताको फेसन डिजाइनर श्रीषा बैदार फैजु हुन् र कोरियोग्राफी राज फैजुले नै गर्नेछन् ।