काठमाडौँ– शेयर बजार परिसूचक नेप्सेले आज नयाँ रेकर्ड कायम गरेको छ ।

वर्षको अन्तिम दिन आज नेप्से २३.२३ अंकले बढेर अहिलेसम्मकै उच्च विन्दु २७१४.७९ अंकमा पुगेको हो। आज सेन्सेटिभ इन्डेक्स पनि ५.९९ अंकले बढेर ४८६.२८ विन्दुमा पुगेको छ ।

यसअघि सोमवार (हिजो) १७.२० अंकले बढेर नेप्से २६९१.५५ विन्दुमा पुगेको थियो ।

नेप्से परिसूचक अनुसार २०९ कम्पनीको ७६ हजार ९४ पटक कारोबार भएर ७ अर्ब १४ करोड ३१ लाख ५१ हजार रुपैयाँ बराबरको १ करोड ४६ लाख ९१ हजार ६ सय ४३ कित्ता शेयर खरिद विक्री भएको छ ।

आज ६ उपसमूहको परिसूचक बढेका छन् भने सात समूहको नेप्से सूचक घटेका छन् । आज सबैभन्दा बढी नबिल बैंकको कारोबार भएको छ । बैंकको २८ करोड ६२ लाख भन्दा धेरैको कारोबार भएको नेप्सेले जनाएको छ ।

आज एनआईसी एसिया लघुवित्त वित्तीय संस्था, माउन्टेन इनर्जी नेपाल, ज्योति लाइफ, सिन्धु विकास बैंक र छ्याङ्दी हाइड्रोपावरको शेयर झण्डै १० प्रतिशतले बढेको छ ।