दोहा– कोरोना विरुद्धको खोप (भ्याक्सिन) लगाएका विदेशीहरुले कतार प्रवेश पश्चात अनिवार्य होटल क्वारेन्टाइन बस्न नपर्ने भएको छ ।
कतार बाहिर रहँदा फाइजर, बायोनटेक भ्याक्सिन, मोर्डना, आस्ट्राजेनेका र जोन्सन एण्ड जोनसन खोप लगाएकाहरुलाई होटेल क्वारेन्टाइन बस्न नपर्ने नयाँ नियम जारी गरेको कतारको स्वास्थ्य मन्त्रालयले जनाएको छ ।
क्वारेन्टाइनको छुट प्राप्त गर्न जोनसन खोपको पहिलो डोज लगाएको हुनुपर्ने र यो बाहेकका अन्य दुई खोप लगाई सकेको हुनुपर्नेछ । खोप लगाएको १४ दिन पुगीसकेको हुनुपर्ने जनाइएको छ । त्यसैगरी खोप लगाएको आधिकारिक प्रमाणसहित आधिकारिक छाप हुनुपर्ने छ ।
यसघि कतारमा खोप लगाएकाहरुलाई मात्र यो सुविधा दिएको थियो ।
प्रतिक्रिया