काठमाडौँ–प्रहरीले बाँकेको नेपालगञ्जबाट भूमिगत समूह ज्वाला सिंहको नाममा चन्दा मागेको अभियोगमा चार जनालाई पक्राउ गरेको छ ।
जिल्ला प्रहरी कार्यालय बाँकेका अनुसार ज्वालासिंहका नाममा धम्क्याएर चन्दा मागेको आरोपमा नेपालगञ्ज उप–महानगरपालिका–२२ स्थित पुरैनिबाट उनीहरुलाई पक्राउ गरेको हो ।
प्रहरीका अनुसार पक्राउ पर्नेमा राप्तीसोनरी गाउँपालिका घर भएका २४ वर्षीय विकास चौधरी, ४१ वर्षीय मेघनाथ चौधरी उर्फ मर्गनाथ, बर्ष ४० का भीम बहादुर भण्डारी र दाङको तुल्सीपुरका ज्योती प्रकाश चौधरी छन् ।
राप्तीसोनारी गाउँपालिका–५ जुरपानी बस्ने एकजना पुरुषलाई विगत १ हप्तादेखी सो समुहले फोन गरेर २ लाख चन्दा मागेको जिल्ला प्रहरी कार्यालय बाँकेले जनाएको छ ।
प्रतिक्रिया