मुम्बई– बलिउड अभिनेता आमिर खानको फिल्म ‘लाल सिंह चड्डा’को अन्तिम सेड्यूलको तयारी पुरा भएको छ । फिल्ममा ६० अन्य कलाकारको सहभागिता हुनेछ ।

दैनिक भास्करमा प्रकाशित समाचार अनुसार पुरा फिल्ममा तीन सय बढी कलाकार हुनेछन् । फिल्म युनिट यो समयमा प्रमुख अभिनेता आमिर खानको प्रतिक्षा गरिरहेको छ ।

फिल्म सम्बद्ध स्रोतका अनुसार फिल्मको अन्तिम भागको सुटिङ कारगिलमा हुनेछ । जहाँ इन्डो–पाकको कारगिल युद्धको सिक्वेन्स छायांकन गरिनेछ ।

फिल्ममा लालसिंह चड्डाका साथ युद्धमा सहभागिता जनाउनका लागि सेनाको एक टुकडी पनि हुनेछ । जसका लागि ५० देखि ६० जना कलाकारको कास्टिङको काम गरिएको छ ।

फिल्ममा सिनियर अफिसरको भूमिका मानव विजले निभाउदैछन् । फिल्ममा आमिरको साथीको भूमिकाका लागि दक्षिण भारतीय कलाकार नागा चैतन्यसँग कुराकानी भइरहेको छ ।

यसअघि यो भूमिकामा विजय सेथुपतीलाई भनिए पनि उनको व्यस्तताका कारण समय दिन सकेका थिएनन् ।

फिल्ममा विजयको स्थानमा नयाँ कलाकार राख्नका लागि आमिरले आफ्नो टिमलाई तीन समूहमा बनाई बंगाल, तमिलनाडु र आन्ध्रप्रदेश अडिसनका लागि गएका थिए ।

फिल्ममा आमिर पञ्जाबी गेटअपमा देखिनेछन् ।