—अजवायन आधा चम्चा, एक चिम्टी हिङ र एक चिम्टी नुन (सादा), तीनवटैलाई मिलाएर एक कप मनतातो पानीमा घोलेर पिउनुहोस् । यसलाई दुई–दुई घण्टामा दिनमा तीन–चार पटक पिउन सक्नुहुन्छ । यसको प्रयोगबाट मासिक धर्मको पीडामा आराम मिल्छ ।

—     मासिक ऋतुस्रावको पाँच दिनको समयमा मजीठाको मसिनो चूर्ण सानो चम्चाको एक चम्चा दिनभरिमा तीन पटक पानीसँग खानुहोस् ।

—पुदिनाको पात २५० मि.लि. पानीमा उमालेर हल्का नुन हालेर र मनतातो पारेर बिहान–बेलुका लिनुहोस् ।

—हल्का तातो पानीमा मह हालेर पिउनुहोस् ।

—काँचो आँपलाई भुटेर या उमालेर त्यसको कोयामा नुन, जीरा, पुदिना, मह तातोपानीमा मिलाएर अमरस बनाउनुहोस् र एक कप पिउनुहोस् ।

–रातिको खानाको बदला मनतातो दूधमा कालो मरिच र हर्दी हालेर पिउनुहोस् ।

—नाइटो र मूत्रेन्द्रियबीचको स्थानलाई चार–पाँच मिनेट हल्का तताएर त्यसमाथि चिसो माटोको पट्टी बीस–तीस मिनेटसम्म राख्नुहोस् ।

—तातो—चिसो कटिस्नान गर्नाले यो रोग ठीक हुन्छ ।

—हल्का तातोपानीमा कागती र अरण्ड तेलसँग एनिमा लिनुहोस् ।

साभार : ‘घरेलु आयुर्वेदिक उपचार’ पुस्तकबाट