धरान–विगत एक दशकदेखि सांगीतिक क्षेत्रमा क्रियाशील धरानका गायक प्रमोद पोर्तेलले नयाँ गीत ‘माया’ श्रोता तथा दर्शकमाझ लिएर आएका छन् । म्युजिक भिडियो शनिबार धरानमा एक कार्यक्रमका बीच सार्वजनिक गरिएको छ ।

वरिष्ठ गायक तथा संगीतकार दीप श्रेष्ठको प्रमुख आतिथ्यमा आयोजित कार्यक्रममा गायक पोर्तेलको अफिसियल युट्युब च्यानलमार्फत भिडियो सार्वजनिक भएको छ। गायक पोर्तेलकै शब्द तथा संगीत रहेको गीतमा उनलाई गायिका हिना मल्लले गायनमा साथ दिएकी छन्।

भिडियोमा गायक–गायिकाकै अभिनय रहेको छ। गीतको संगीत संयोजन डानिएल गदाल, मिक्सिङ, रविन छेत्री र रेकर्डिङ्ग अपार रेकर्डस धरानको रहेको छ ।

भिडियोमा आभासजंग माझी र एडम लिम्बुको छायांकन तथा निर्देशन र सम्पादन सुल्तान फिल्म्स युकेका सुल्तान इदिङ्गोको छ ।