काठमाडौँ– सेयर बजार नेप्से परिसूचक सामान्य अंकले घटेको छ । साताको दोस्रो दिन सोमबार नेप्से ५.४५ अंकले घटेर २५४३.५२ बिन्दुमा पुगेको हो ।
हाइड्रोपावर, फाइनान्स र माइक्रोफाइनान्स समूहबाहेक सबै समूहको परिसूचक घटेको छ । हाइड्रोपावर समूहमा १.०७ प्रतिशतले वृद्धि भएको छ ।
यसैगरी सोमबार ४ अर्ब ४१ करोड रुपैयाँ बराबर सेयर कारोबार भएको छ ।
६४ हजार ५१५ पटकको कारोबारमा ९१ लाख ३८ हजार ९३५ कित्ता सेयर किनबेच भएको छ । सबैभन्दा बढी नेपाल इन्फ्रास्ट्रक्चर बैंकको सेयर कारोबार भएको छ । बैंकको ४४ करोड ३१ लाख रुपैयाँ बराबर सेयर किनबेच भएको छ । अपर तामाकोशीको ३८ करोड ७७ लाख रुपैयाँको सेयर कारोबार भएको छ ।
प्रतिक्रिया