ताप्लेजुङ – ताप्लेजुङमा सम्पन्न दोस्रो मेयर रनिङ कपको उपाधी मिक्वाखोला गाउँपालिकाले जितेको छ । फाइनखेलमा पाथीभरा याङ्वरक गाउँपालिकालाई ३–१ को सेटमा हराउँदै उपाधी हात पारेको हो ।

मिक्वाखोलाले २५–१८, १३–२५, २५–२२ र २५–२१ को सेटमा स्तब्ध बनायो । सिदिंवा र सिरिजंघा भने तृतिय भए ।

बिजेताले २ लाख २१ हजार १ सय र उपविजेताले १ लाख ११ हजार १ सय रुपैयाँ प्राप्त गरेको छ । तृतिय बनेका दुबै टिमलाई नगद ३३ हजारले पुरस्कृत गरियो ।

विधागत तर्फ उत्कृष्ट डिफेन्डरमा दावा नुपू शेर्पा, उत्कृष्ट स्पाईकर मूकेश भटराई, उत्कृष्ट ब्लकरमा प्रविण न्यौपाने, उत्कृष्ट सर्भरमा प्रताप सुब्बा लिम्बू, उत्कृष्ट सेटरमा कैलाश बस्नेत, उत्कृष्ट अलराउण्डरमा आशिस मगर र उदयमान खेलाडीका रुपमा नविन तामाङलाई सम्मान गरिएको छ ।

विजेता र उपविजेतालाई आईतबार नै पूरस्कार वितरण तथा सम्मान गरिएको थियो । चैत्र १३ गतेबाट भिमकाली गुल्मको भलिबल कोर्टमा सञ्चालित प्रतियोगितामा जिल्लाका ८ वटा पालिकाले सहभागिता जनाएका थिए ।