काठमाडौँ – नेपाल मलेसिया र नेदरल्याण्ड्स सम्मिलित अन्तर्राष्ट्रिय टी २० सिरिज कीर्तिपुर मैदानमा हुने पक्का भएको छ । बैशाख चार गतेबाट यो प्रतियोगिता हुने भएको हो ।

नेपाल क्रिकेट संघ क्यानले विज्ञेप्ती जारी गर्दै यो प्रतियोगिता बैशाख चार गतेबाट ११ गतेसम्म हुने बताएको छ । प्रतियोतिगाको नाम बजाज पल्सर ट्राइ नेशन्स सिरिज रने भएको छ । यो प्रतियोगिताको मुख्य प्रायोजक बजाज रहने भएको छ । यस्तै सिंभम सिमेन्ट पनि प्रायोजकमा रहेको छ । डबल राउण्डरोविनका आधारमा हुने प्रतियोगिताका शिर्ष दुई टिमले फाइनल खेल्नेछन ।

प्रतियोगिताका लागि खेलाडी र अफिसियललाई बायो सेक्युयर बबलमा राखिने छ भने पीसीआरको परीक्षण गरिनेछ ।

नेपालले खेल्ने भनिएको आइसीसी विश्व क्रिकेट लिग टु स्थगित भएपछि क्यानले यो प्रतियोगिता गर्न लागेको हो । यो प्रतियोगिताका लागि मलेसिया र नेदरल्याण्ड्स करिब एक साता अगाडि नै नेपाल आउने सम्भावना छ ।

यस्तै मैदानमा दर्शकको प्रवेशका विषयमा नेपाल सरकारसँग समन्वय भइरहेको र यदि सरकारले अनुमति दिएको खण्डमा दर्शकलाई राखिने र निषेध गरेमा विना दर्शक प्रतियोगिता गरिने भएको छ ।