काठमाडौं– सत्ता साझेदार दल संघीय समाजवादी फोरम नेपालले संविधान संशोधन नभए सरकारबाट बाहिरिने चेतावनी दिएको छ ।

सोमबार शुरु भएको संसदको बजेट अधिवेशनको बैठकमा बोल्दै संघीय समाजवादी फोरमका नेता तथा सांसद राजेन्द्र श्रेष्ठले संविधान संशोधनको माग पूरा नभए सरकारबाट बाहिरिने चेतावनी दिएका हुन् ।

संविधान संशोधनको प्रक्रिया अगाडि बढाइने शर्तका साथ आफूहरु सरकारमा सहभागी भएपनि सत्तारुढ दलले त्यसप्रति चासो नदिएको उनको भनाइ छ ।

सरकारमा सहभागी हुने बेलामा संविधान संशोधन गर्ने भन्ने एउटा सहमति भएको, तर सरकार बनेको १ वर्षसम्म पनि संविधान संसोधन गर्ने कुनै तयारी समेत नगरेको भन्दै आपत्ति जनाए ।

अब पनि संशोधन प्रक्रिया अगाडि नबढाइए आफ्नो पार्टी सरकारबाट बाहिरिने उनको भनाइ थियो ।