काठमाडौं– गायक सुगम पोखरेल ‘तिम्रो लागि’ गीतमार्फत दर्शक तथा स्रोतामाझ आएका छन् ।
पाश्र्व गायनमा समेत रुचाइएका यी गायकको नयाँ गीतमा मनीष वशिष्ठको शब्द तथा कल्याण सिंहको संगीत छ ।
गीतमा रिदम कँडेलको संगीत संयोजन र प्रदीप जोशी साउण्ड इञ्जिनियर छन् ।
गीतको भिडियोमा गम्भीर विष्ट र गीता ढुंगाना फिचर्ड छन् । भिडियो गम्भीरकै अवधारणा तथा पटकथामा तयार भएको हो ।
नवराज उप्रेतीको छायांकन रहेको भिडियोमा सुबोल थापाको कोरियोग्राफी तथा सह–निर्देशन र नवीन निरौलाको सम्पादन, भिएफएक्स तथा रंग संयोजन छ ।
भिडियोको निर्देशक गम्भीर नै हुन् । भिडियो एमबि क्रिएसनको यूट्युब च्यानलमा अपलोड गरिएको छ ।
प्रतिक्रिया