सन्त अबु हसनकोमा एक व्यक्ति आयो र भन्यो— ‘महाराज, म गृहस्थीको झन्झटबाट चिन्तित छु । पत्नी र केटाकेटीले मैले भनेको मानदैनन् । दुःखी भएर सन्यास लिन चाहन्छु । तपाईं महान हुनुहुन्छ । तपाईंले लगाएको कपडा मलाई दिनुहोस् । त्यसलाई लगाएर म पनि साधु बन्नेछु ।’

अबु हसनले मुस्कुराएर भने— ‘के कुनै महिला पुरुषको कपडा लगाएर पुरुष वा महिलाको कपडा लगाएर महिला बन्न सक्छ ?’

‘बन्न सक्तैन ।’

‘अनि तिमीचाहिँ मेरो कपडा लगाएर साधु कसरी बन्न सक्छौ ? साधु बन्नको लागि कपडा बदल्न आवश्यक छैन । आफ्नो स्वभाव बदल्नुपर्छ । आफ्नो स्वभाव बदल । गृहस्थीलाई झञ्झट मान्न छोडिदेऊ ।’

सन्त अबु हसनको कुरा सुनेर त्यो व्यक्ति क्रोध र झञ्झट त्याग्ने सङ्कल्प लिएर आफ्नो गृहस्थी जीवनमा फर्क्यो ।

साभार : ‘विश्वका उत्कृष्ट प्रेरक प्रसङ्गहरु’ पुस्तकबाट