काठमाडौं– बहुचर्चित अमेरिकी कम्पनी एप्पलले उत्पादन गर्दै आएको आइफोन १२ अब भारतमै तयार हुने भएको छ ।

कम्पनीका अनुसार अब आइफोन १२ भारतमै एसेम्बल गरिने भएको हो ।

एप्पलको यो निर्णयलाई भारतका केन्द्रीय मन्त्री रवि शंकरले स्वागत गरेका छन् । एप्पलले यसअघि एसियाको बजारका लागि चीनमा एसेम्बल गर्दै आएको थियो । पछिल्ला केही वर्ष चीन र अमेरिकाको सम्बन्धमा चिसोपन आएको छ ।

चीन र अमेरिकाको व्यापारिक युद्धका कारण एप्पलले चीनको एसियाली बजारका लागि भारत रोजेको अनुमान गरिएको छ ।

यसअघि एप्पलले आइप्याड र म्याकबुकका केही मोडल भियतनाममा एसेम्बल गर्न थालेको थियो ।

यद्यपि चीनमा पनि एप्पलका आइफोनहरु एसेम्बल हुँदै आइरहेका छन् । भारतमा नै एसेम्बल हुने भएपछि आइफोनको नयाँ उत्पादन छिटो र सस्तोमा नेपालमा पनि उपलब्ध हुनसक्ने अपेक्षा गरिएको छ ।