काठमाडौँ- युरोपेली संघ (ईयू) ले भारत र पाकिस्तानबीच काश्मीर नियन्त्रण सीमाको जारी युद्ध रोक्ने घोषणाको स्वागत गरेको छ ।
क्षेत्रीय शान्ति, स्थायित्व र दुई देशबीच संवाद कायम गर्न भारत-पाकिस्तान बीचको युद्धविरामको निर्णय महत्वपूर्ण कदम रहेको ईयूका विदेश मामिला तथा सुरक्षा नीति प्रवक्ता नबिला माश्रलीले टिप्पणी गरेका छन् ।
काश्मीर नियन्त्रण सीमामा भारत र पाकिस्तानबीच युद्धविरामको निर्णय स्वागतयोग्य कदम रहेको उनले बताए ।
केही समयअघि भारत र पाकिस्तानी सेनाका उच्च अधिकारीहरुले काश्मीर सीमामा युद्धबिराम गर्ने सबै निर्णयहरुलाई कार्यान्वयन गर्ने संयुक्त विज्ञप्ति सार्वजनिक गरेका थिए ।
विज्ञप्तिमा आपसी चासोको बिषयमा स्वतन्त्र, खुला र सौहार्दपूर्ण छलफल गर्ने उल्लेख गरिएको छ । भारतले पाकिस्तानसँग सामान्य छिमेकीको सम्बन्ध चाहने तर मूख्य विषयहरुमा नीति अपरिवर्तीत रहने भारतीय विदेश मन्त्रालयका प्रवक्ता अनुराग श्रीवास्तवले बताएका छन् ।
दुई देशबीचको युद्धविरामको निर्णयलाई अन्तर्राष्ट्रिय समुदायले सकारात्मक कदमको संज्ञा दिएका छन् ।
प्रतिक्रिया