काठमाडौं– नेपाल भाषा र नेपाली भाषाका फिल्ममा अभिनय गरेकी अभिनेत्री अशिष्मा नकर्मीको स्वरमा रहेको गीत ‘नेपालकी छोरी’को भिडियो सार्वजनिक भएको छ ।

गीतमा रंग पत्रकार तथा गीतकार शान्तिप्रियको शब्द र सन्तोष श्रेष्ठको संगीत छ । गतिमा राजाबाबु थारुको रेकर्डिङ, मनोज चौलागाईंको एरेञ्ज, प्रकाश मिश्रको मिक्सिङ छ ।

भिडियोमा सुशीला थापा फिचर्ड छिन् । राजीव बलामी निर्देशित भिडियोमा राजीवकै कोरियोग्राफी, मुकेश हुमागाईंको छायांकन, राजीव बलामीको सम्पादन, कविता तोलाङ्गीको श्रृङ्गार, मिलर गुरुङको कलर संयोजन छ ।

गीतको भिडियो सीसी नेपाल नामक युट्युब च्यानलबाट सार्वजनिक गरिएको हो । अभिनेत्रीहरुको स्वर रहने गरी शान्तिप्रियले चाँडै नै ‘आवाज’ नामक एलबम ल्याउदैछन् ।