मुम्बई– दक्षिण भारतीय सुपरस्टार अजीत कुमार अभिनयमा जति अब्बल छन्, खेलकुद गतिविधिमा पनि उनी उत्तिकै अब्बल ठहरिन्छन् ।

कार रेसिङदेखि लामो दुरीसम्म साइकल चलाउने काममा यी अभिनेताले जोकोहीलाई प्रेरित गर्न सक्छन् । अहिले अजितले एउटा खेलमा सबैलाई चकित बनाएका छन् ।

आजतकमा प्रकाशित समाचारअनुसार उनले एक सुटिङ च्याम्पियनशिपमा ४ स्वर्ण पदक र दुई रजत पदक जितेका छन् । सामाजिक सञ्जालमा अजीतलाई स्वर्ण पदक दिइरहेको एक भिडियो भाइरल भइरहेको छ ।

यो भिडियो तमिलनाडु स्टेट सुटिङ च्याम्पियन कम्पीटिसनको हो, जहाँ अजीतले सहभागिता जनाएर कैयौं मेडल आफ्नो नाममा पारे ।

सुटिङ अघि अजीतले प्रोफेशनल रेसरको पहिचान बनाइसकेका छन् । उनले कैयौं कार रेसिङ प्रतियोगितामा भाग लिएका छन् । फर्मुला रेसिङमा सहभागिता जनाउने उनी सायदै कम भारतीयमा पर्दछन् ।