काठमाडौं– सौन्दर्य प्रतियोगिता ‘मिसेस नेपाल ग्ल्याम २०२१’ आयोजना हुने भएको छ । ग्ल्याम वल्र्ड इन्टरटेनमेन्टले बिहीबार एक बिज्ञप्ती जारी गर्दै ‘मिसेस नेपाल ग्ल्याम’को आयोजना र सहभागिताबारे जानकारी गराएको हो ।

प्रतियोगिताको पहिलो चरणको अडिसन आगामी चैत ७ मा हुनेछ । प्रतियोगिताको यो तेस्रो सिजन हो । २० देखि ४५ वर्षसम्मका विवाहित महिलाले सहभागिताका लागि आवेदन दिन सक्नेछन् ।

विवाहित महिलाहरूको प्रतिभा निखार्दै उनीहरूको भविस्य सुधार्ने उदेश्य रहेको प्रतियोगिता इन्टरटेनमेन्टकी प्रिती कार्कीले बताइन् । शीर्ष सहित विभिन्न आधा दर्जन विजेता छानिने प्रतियोगिताको कोरियोग्राफी आश्विनी झाले गर्नेछन् ।

प्रारम्भिक अडिसनबाट छानिएका प्रतियोगीलाई सञ्चारकला, विकास मोटिभेसन, लिडरसिप, ड्रेस सेन्स, पब्लिक स्पिकिङ, करियर काउन्सिललगायतका प्रशिक्षण सहित अन्तिम स्पर्धामा उतारिने कार्यक्रम संयोजक आकाश गिरीले बताए ।

प्रतियोगिताको विजेताले नेपालको प्रतिनिधित्व गर्दै सिंगापुरमा आयोजना हुने अन्तर्राष्ट्रिय सौन्दर्य प्रतियोगिता ‘मिसेस इन्टरनेसनल’मा सहभागिता जनाउन पाउनेछन् ।