काठमाडौं– पछिल्लो २४ घण्टामा नेपालमा थप ७८ जनामा कोरोना संक्रमण भएको पुष्टि भएको छ । योसँगै नेपालमा हालसम्म नेपालमा २ लाख ७४ हजार २ सय ९४ जनामा संक्रमण पुष्टि भएको छ ।
४ हजार १ सय २७ जनामा भएको पीसीआर परीक्षणमा ४५ पुरुष र ३३ जना महिलामा संक्रमण देखिएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा कसैको पनि कोरोनाका कारण ज्यान नगएको मन्त्रालयले जनाएको छ ।
यस्तै पछिल्लो २४ घण्टा भित्र थप ७२ जना संक्रमण मुक्त भएका छन् । हालसम्म नेपालभर २ लाख ७० हजार ५ सय ४३ जनाले संक्रमण जितेका छन् ।
मन्त्रालयका अनुसार नेपालमा सक्रिय कोरोना संक्रमितको संख्या ९ सय ७४ छ ।
प्रतिक्रिया