काठमाडौं– अभिनेता आयुष्मान देशराज जोशी र अभिनेत्री प्रियंका कार्कीको जोडी यो समय मालदिभ्समा छन् । गत वर्षको फागुन १६ गते विवाह गरेका यो जोडी लगत्तै नेपालमा भएको लकडाउनका कारण हनिमुन मनाउन देशबाहिर जान पाएका थिएनन् ।

हिजो शनिबार प्रियंकाले आयुष्मानसँग मालदिभ्समा जन्मदिन मनाइन् । यही मौकामा वैवाहिक वार्षिकोत्सव पनि मनाए ।

प्रियंकाले आफ्नो इन्स्टाग्राममा मालदिभ्समा पतिसँगको रोमान्टिक तस्वीर राखेकी छन् । जसमा उनी निकै खुलेकी छिन् । एक तस्वीरमा उनले पतिसँग चुम्बन गरेकी छन् ।

अर्को तस्वीरमा प्रियंकालाई विकिनी अवतारमा देख्न सकिन्छ । लामो समयको प्रेमपछि यो जोडी गत वर्ष श्रीमान श्रीमति बनेका थिए ।

राजधानीमा आयोजित एक अवार्ड कार्यक्रममा प्रियंकाले अवार्ड पाएपछि एकापसलाई चुम्बन गरेको उनीहरुको तस्वीरले निकै चर्चा पाएको थियो ।