क्यानबेरा– अष्ट्रेलीयाली अर्बपति ब्यापारी एन्ड्रीउ फोरेस्टको परोपकारी संस्थाले चीनमा श्रमशोषण गरी उत्पादित सामाग्रीहरुको आयातमा प्रतिबन्धको माग गर्दै संसदमा प्रस्ताव पेश गरेको छ ।

ब्यापारी एन्ड्रीउ फोरेस्टको गैरनाफामुखी परोपकारी संस्था मिन्डेरो फाउन्डेसनको श्रमशोषण बिरोधी अभियानले चीनमा श्रमशोषणबाट उत्पादित सामाग्रीहरु आयातमा प्रतिबन्ध लगाउन माग गरेको हो ।

फाउन्डेसनले मुस्लिम अल्पसंख्यक उइघुर जातिमाथि श्रमशोषण र अमानवीय व्यावहार गरेको भन्दै चीन सरकारको आलोचना पनि गरेको छ । चीनमा श्रमशोषण गरी उत्पादित सामाग्रीलाई सामुहिक रुपमा प्रतिबन्ध गर्नेबारे अन्तराष्ट्रिय मानबअधिकारबादी संस्थाहरुले आफुहरुलाई सुचित नगरेको पनि मिन्डेरो फाउन्डेसनले जनाएको छ ।

आधुनिक समाजमा श्रमशोषण बिरुद्धको अभियानमा ठूलो सहयोग गर्दै आएका अर्बपति फोरेस्टले उइघुरको बिषयमा चीनबिरुद्ध नबोलेको भन्दै यसअघि उनको आलोचना भएको थियो । फोरेस्टको फोर्टेस्क्यु मेटल कम्पनीले चीनबाट ठूलो मात्रामा नाफा उठाउने भएकोले पनि चीन सरकार बिरुद्ध उनी मौन रहेको भन्दै आलोचना भएको थियो ।