काठमाडौँ– सौन्दर्य प्रतियोगिता ‘द फेस’ को उपाधि पुरुषतर्फ युद्ध बानियाँ र महिलातर्फ क्रान्ति चन्दले जितेका छन् । व्यावसायिक मोडल जन्माउने उद्देश्यले आयोजित प्रतियोगितामा २६ जना प्रतिष्पर्धी थिए ।

प्रतियोगितामा कृपा अधिकारी र शितल श्रेष्ठ ‘फस्ट रनरअप’, स्वीकृति प्याकुरेल र हेमन जोशी ‘सेकेन्ड रनर अप’ हुँदा कृपा अधिकारी र हेमन जोशी ‘बेस्ट फ्रेण्ड्ली’, निर्मला धिताल र नारायण प्याकुरेल ‘फोटोजेनिक’, क्रान्ति चन्द र शितल श्रेष्ठ ‘क्याटवाक’, ब्रबिम श्रेष्ठ र अस्मिता बराल ‘बेस्ट स्किन एन्ड हेयर’, आशिष गिरी र कृपा अधिकारी ‘बेस्ट फिजिक’, युद्ध बानियाँ र सोफिया भण्डारी ‘पब्लिक च्वाईस’ र सुर्जिना श्रेष्ठ र युद्ध बानियाँ ‘पपुलर च्वाईस’ बने ।

वि क्यान फ्लाई इभेन्ट म्यानेजमेन्ट कम्पनीले आयोजना गरेको प्रतियोगितामा अभिनेता अनुपविक्रम शाही, मोडल सिर्जना रेग्मी, क्रिकेटर विनोद दास, अग्रज फोटोग्राफर राजभाई सुवाल निर्णायक थिए ।

आयोजक तथा वी क्यान फ्लाईका सिईओ संसद शाहले नयाँ पुस्ताबाट कुशल र व्यवसायिक मोडल जन्माउन प्रतियोगिता आयोजना गरेको बताए ।