मुम्बई – फिल्म ‘धडक’ बाट बलिउडमा डेब्यु गरेकी नायिका जाह्नवी कपूर चर्चामा रहिरहने नायिकामा पर्छिन् । हालै यी नायिका बैनी खुशी कपूरलाई लिएर नेहा धूपियाको शो मा पुगेकी थिइन् । शोमा कपूरका दिदीबैनीले रमाइलो गरे ।

शोका दौरान नेहा धूपियाले विक्की कौशल र कार्तिक आर्यनमा कसलाई ‘किस’ गर्न चाहन्छिन् भनेर सोधिन् । उत्तरमा जाह्नवीले बिक्की कौशलको नाम लिइन् ।

जाह्नवीको यो सवालको जवाफले धेरैलाई अचम्मित तुल्यायो । किनकि, धेरैलाई उनले कार्तिकको नाम लिन चाहन्छिन् जस्तो लागिरहेको थियो । यता कार्तिकलाई लिएर सारा अली खान र अनन्या पाण्डेजस्ता नयाँ कलाकारले अभिनय गरिसकेका छन् । कार्तिकका युवती फ्यान पनि उत्तिकै छन् ।

विक्की कौशल र जाह्नवी कपूरले फिल्म ‘तख्त’ मा एकसाथ काम गरिरहेका छन् । करण जोहरको धर्मा प्रोडक्सनको ब्यानरमा बनिरहेको यो फिल्ममा रणवीर सिंह, आलिया भट्ट, करीना कपूर लगायतका कलाकार मुख्य भूमिकामा देखिनेछन् ।