काठमाडौँ- नेपाली राष्ट्रिय क्रिकेट टिमको बन्द प्रशिक्षण सुरू भएको छ। शनिबारबाट नेपाल क्रिकेट संघ (क्यान)ले क्रिकेट टिमको क्याम्प सुरू गरेको हो।
क्यानले आईसीसी विश्वकप लिग २ को ओमान सिरिजका लागि क्याम्प सुरू गरेको हो। जसमा लागि क्यानले ३२ सदस्यीय टोली २२ गते घोषणा गरिसकेको छ। क्यानले पहिलो चरणमा २१ जना खेलाडी बोलाएको छ।
जसमा धेरै जसो नयाँ खेलाडी छन्। अनुभवी खेलाडीहरु पारस खड्का, ज्ञानेन्द्र मल्ल, दिपेन्द्र सिंह ऐरी लगायत ११ जना खेलाडीलाई दोस्रो चरणबाट क्याम्पमा समावेश गरिने क्यानले जानकारी दिएको छ।
पहिलो चरणको क्याम्प साता दिनको हुने क्यान सचिव अशोकनाथ प्याकुरेलले बताएका थिए।
प्रतिक्रिया