काठमाडौँ- नेपालले म्यानमारमा भएको सैन्य ‘कु’ मा आपत्ति जनाएको छ ।
परराष्ट्र मन्त्रालयले सोमबार साँझ एक विज्ञप्ति जारी गर्दै राष्ट्रपति यु विन मिन्ट, नेतृ आङसाङ सुकीलगायतलाई तत्काल रिहा गर्न पनि आग्रह गरेको छ ।
मन्त्रालयले म्यानमारमा हालसालै भएका घटनाक्रमहरूलाई नेपालले राम्ररी नियालीरहेको बताएको छ ।
‘हामी विश्वास गर्दछौँ कि यसमा संलग्न सबै पक्षहरूले म्यानमारका जनताको इच्छाको सम्मान गर्नेछन् र आशा गर्दछन् कि प्रजातान्त्रिक र संवैधानिक प्रक्रिया छिट्टै पुनःस्थापित हुनेछ’, मन्त्रालयले भनेको छ ।
गत नोभेम्बरमा भएको निर्वाचनमा धाँधली भएको भन्दै त्यहाँको सेनाले सत्ता आफ्नो हातमा लिँदै एक वर्षको संकटकाल लगाएको छ ।
प्रतिक्रिया