विराटनगर– नेपाली कांग्रेसका वरिष्ठ नेता रामचन्द्र पौडेलले ससंद विघटनको विषयमा कांग्रेस एउटै लाइनमा रहेको बताएका छन् ।

विराटनगर विमानस्थलमा आज सञ्चारकर्मीसँग नेता पौडेलले कांग्रेसले चुनाव बहिष्कार गर्ने भनेको नभइ संविधानमा टेकेर चुनावमा जान चाहेको बताए ।

उनले प्रधानमन्त्रीको प्रतिगामी र संविधानविरोधी कदम सच्याउनुको विकल्प नरहेको बताए ।

नेता पौडेलले संसद् विघटन गर्ने प्रधानमन्त्री केपी ओलीको निर्णय राष्ट्रघाती भएको बताउँदै उनले भने, ‘मेरो राजनीतिक निर्णय भन्नु हुन्छ केपी ओली । यो राजनीतिक निर्णय राष्ट्रलाई जोगाउन हो कि ध्वस्त पार्न हो मेरो प्रश्न छ ?’, उनले भने, ‘राष्ट्रघाती निर्णयलाई जनता र अदालतले किन मान्ने ?’

संसद विघटन अलोकतान्त्रिक, प्रतिगामी, असंवैधानिक र सर्वसत्ताबादतिर जान लाग्यो भन्ने कांग्रेसको निर्णय भएकाले सरकारमा जानेबारे कोही व्यक्ति विशेषले दायाँबायाँ गर्न नपाउने बताए ।

नेता पौडेलले प्रदेश–१ मा आफ्नो पार्टीले प्रतिपक्षीको भूमिका निर्वाह गर्ने बताए ।