काठमाडौं- प्रिन्स दाहालले १० औँ पुष्पलाल स्मृति ब्याडमिन्टन र्यङकिङ प्रतियोगिताको उपाधि हात पारेका छन्।
उनले आइतबार भएको फाइनलमा नेपालका पूर्व च्याम्पियन पुलिस क्लबका दिपश धामीलाई सोझो सेटमा पराजित गर्दै उपाधि हात पारेका हुन्।
प्रिन्सले दिपेशलाई पहिलो सेटमा २१-१८ र दोस्रो सेटमा २१-१३ मा रोकेका हुन्।
यसअघि सेमिफाइनलमा रत्नजित तामाङलाई पराजित गर्दै फाइनल प्रवेश गरेका प्रिन्सको यो अहिलेसम्मकै ठूलो सफलता हो। उनी पहिलोपटक नेपाल च्याम्पियन बनेका छन्।
यस्तै महिलातर्फ जेसिका गुरुङले महिला सिंगल्सको उपाधि हात पारेकी छन्। पुरुष एकल र महिला एकलका विजेताले समान २० हजार रुपैयाँ पुरस्कार प्राप्त गरेका छन्।
प्रतिक्रिया