काठमाडौँ- अमेरिकामा २ करोड ३६ लाखभन्दा धेरैमा कोरोना भाइरसको संक्रमण पुष्टि भएको छ ।

पछिल्लो २४ घण्टामा २ लाख ३६ हजार ४६२ जनामा संक्रमण पुष्टि भएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो ।

पछिल्लो वृद्धिसँगै अमेरिकामा संक्रमितको संख्या २ करोड ३६ लाख १६ हजार ३४५ पुगेको छ ।

संक्रमितमध्ये अहिलेसम्म १ करोड ३९ लाख ७५ हजार ३६ जना संक्रमणमुक्त भएका छन् ।

उपचार गराइरहेका ९२ लाख ४७ हजार ३८१ जनामध्ये २९ हजार २३८ जनाको अवस्था गम्भीर रहेको वर्ल्डोमिटर्सले जनाएको छ ।

यस्तै पछिल्लो २४ घण्टामा त्यहाँ ४ हजार ९८ कोरोना संक्रमितको मृत्यु भएको छ ।

तथ्याङ्क अद्यावधिक गरिरहेको साइट वर्ल्डोमिटर्सका अनुसार पछिल्लो वृद्धिसँगै बिहीबार दिउँसोसम्म अमेरिकामा कोरोनाले ज्यान गुमाउनेको संख्या ३ लाख ९३ हजार ९२८ पुगेको छ ।