काठमाडौँ– गृहमन्त्री रामबहादुर थापा ‘बादल’ले राजनीतिक अस्थिरता पैदा हुने अवस्था आएपछि प्रधानमन्त्रीले संसद विघटनको कदम चालेको बताएका छन् ।

मंगलबार ललितपुरमा अखिल नेपाल खेलकुद महासंघको राष्ट्रिय भेलालाई सम्बोधन गर्दै गृहमन्त्री थापाले अस्थिरता पैदा हुने अवस्था आएकै कारण संसद बिघटन गर्नुपर्ने बाध्यात्मक परिस्थिति सिर्जना भएको बताएका हुन ।

उहाले अविश्वासको प्रस्तावबाट प्रधानमन्त्री हटाउने प्रयास गरेर अस्थिरता सिर्जना गर्न खोजिएको आरोप लगाए ।

सरकारलाई काम गर्न अवरोध गर्न खोजिँदा संसद विघटन गर्न बाध्य हुनुपरेको उहाको भनाइ थियो । आफूहरुले नयाँ नेपाल बनाउन चाहेको बताउँदै उनले समाजवादी नेपालले मात्र सबैलाई समृद्ध बनाउने उल्लेख गरे ।

हेरौँ भिडियो

मन्त्री थापाले अविश्वासको प्रस्ताव ल्याएर प्रधानमन्त्री हटाउने कदम ठिक थियो कि थिएन भन्ने बहस हुनुपर्नेमा जोड दिए । गृहमन्त्री थापाले क्रान्तिकारी विचार नीति र त्यसको कार्यान्वयन, एकताको पक्ष नै अहिले सही बिचार भएको तर्क गरे ।