काठमाडौँ- पूर्वप्रधानमन्त्री डा.बाबुराम प्रतिनिधिसभा विघटनको गैरसंवैधानिक कदम सर्वोच्च अदालतबाट सच्चिने अपेक्षा गरेका छन् ।

पुस ५ भएको प्रतिनिधिसभा विघटनको मुद्दा सर्वोच्च अदालतमा पुगेका बेला जनता समाजवादी पार्टीका नेतासमेत रहेका डा. भट्टराईले सबैको आँखा सर्वोच्च अदालततर्फ सोझिएको गैरसंवैधानिक कदम सच्चिने अपेक्षा गरेका छन् ।

डा. भट्टराईले सामाजिक सञ्जालमार्फत अदालतलाई संसद विघटन गर्ने प्रधानमन्त्री केपी शर्मा ओलीको कदममा साथ नदिन चेतावनी दिएका हुन् ।

डा. भट्टराईले ट्वीट गर्दै भनेका छन्, ‘आजदेखि सबैको आँखा सर्वोच्च अदालततिर हुनेछ ! ओलीको गैरसंवैधानिक कदम सच्याउने र नेपाली जनताले इतिहासमा पहिलो पटक संविधानसभा मार्फत निर्माण गरेको संविधान र गणतन्त्र, संघीयता, धर्मनिरपेक्षता, समावेसी लोकतन्त्रको रक्षा गर्ने सजिलो बाटो सम्मानित अदालतको निर्णय हुनसक्छ ! अरू बाटो रोज्न नपरोस् !’

आजदेखि सबैको आॅखा सर्वोच्च अदालततिर हुनेछ!ओलीको गैरसंवैधानिक कदम सच्याउने र नेपाली जनताले इतिहासमा पहिलो पटक संविधानसभा मार्फत निर्माण गरेको संविधान र गणतन्त्र,संघीयता,धर्मनिरपेक्षता,समावेसी लोकतन्त्रको रक्षा गर्ने सजिलो बाटो सम्मानित अदालतको निर्णय हुनसक्छ!अरू बाटो रोज्न नपरोस्!

— Baburam Bhattarai (@brb1954) January 6, 2021