काठमाडौं – अनुपविक्रम शाही स्टारर फिल्म ‘कप्स’ को गीत सार्वजनिक गरिएको छ । ‘सुन्दरी देखेर आँखा सन्कियो’ बोलको आइटम गीतलाई युट्युबमार्फत सार्वजनिक गरिएको हो ।

मीना निरौला र शम्भुराज शाक्यले स्वर दिएको यो गीतमा गायक शाक्यकै संगीत छ भने सुरेन्द्र रानाले गीतका शब्द लेखेका हुन् ।

गीतको भिडियो डान्स क्लबमा खिचिएको छ । भिडियोमा रिया प्रधानले नाचेकी छिन् भने अनुपविक्रम शाहीलाई पनि भिन्दै लूकमा देख्न सकिन्छ । भिडियोको कोरियोग्राफी कविराज गहतराजले गरेका हन् ।

स्रमाट शाक्यले निर्देशन गरेको यो फिल्ममा एक प्रहरीको बहादुरीको कथालाई देखाइएको छ । यस्तै फिल्ममा अनुपविक्रमका अतिरिक्त सन्दीपा लिम्बु, अमित गिरी, रामराज क्षत्री, अनुपमा भण्डारी, निरुता स्याङतान, सुन्दर श्रेष्ठ लगायतका कलाकारले समेत अभिनय गरेका छन् ।

फिल्ममा सम्राट निर्देशक शाक्यको लेखन र राम शाक्यको निर्माण छ ।