काठमाडौं – सरकारले फिल्म हल खुला गर्न मौखिक सहमति दिएको छ । नेपाल चलचित्र संघका महासचिव तथा निर्माता अशोक शर्माले सरकारले हल सञ्चालनको अनुमति दिएको बताए ।

शर्माका अनुसार सरकारको मौखिक सहमति भए पनि मन्त्रिपरिषदबाट निर्णय भएको छैन । साथै, सरकारले सिनेमा हलमा कोरोनाको महामारीको मापदण्ड हल सञ्चालकले पूरा गरेको र नगरेको बारे पनि अनुगमन गर्ने भएको छ ।

यसअघि कोरोना भाइरसको महामारी फैलन सक्ने भन्दै नेपालमा गत चैत्र ६ गतेदेखि सिनेमा हल बन्द गर्ने निर्ण गरेको थियो । त्यसपछि नेपालमा लामो समय लकडाउन गरिएको थियो ।

हल सञ्चालकहरुले कोरोना महामारीपछि अब जनजीवन सामान्य भएको भन्दै गत पुस १० गतेदेखि नेपालभरका सिनेमा हल खोल्ने एकतर्फी निर्णय गरेका थिए ।

सिनेमा हल खुले पनि दर्शक भने फिल्म हेर्न हलसम्म पुगेका छैनन् ।