श्रीलंका– श्रीलंकामा भएका श्रृंखलाबद्ध बम विष्फोटमा ज्यान गुमाउनेको सङ्ख्या २ सय ७ पुगेको छ । राजधानी कोलम्बोसहित पूर्वी शहर बाटिकाओला तथा कोलम्बोबाट उत्तरमा रहेको नेगोम्बो शहरमा रहेका गिर्जाघरसहित विभिन्न ८ ठाउँमा भएको विष्फोटमा अन्य ४ सय ५० भन्दा धेरै घाइते भएको श्रीलंकाबाट प्रकाशित हुने डेली मिरर अखबारको अनलाइन संस्करणले जनाएको छ ।

डेली मिररका अनुसार कोलम्बोमा रहेको राष्ट्रिय अस्पतालमा ६६ शव राखिएको छ भने त्यहाँ अन्य २ सय ६० जनाको उपचार भइरहेको छ । त्यस्तै, नेगोम्बो शहरको अस्पतालमा १ सय ४ शव राखिएको छ भने त्यहाँ अन्य १ सय जनाभन्दा धेरैको उपचार भइरहेको छ । त्यसबाहेक अन्य ३७ जनाको शव पनि मुलुकका अन्य स्थानका अस्पतालमा लगिएको छ ।

प्रहरीका अनुसार कोलम्बोको अस्पतालमा रहेकामध्ये ११ शव भने विदेशी पर्यटकका शव छन् । त्यहाँ शव रहेका विदेशीमा भने बंगलादेश, मोरक्को, पोल्याण्ड, डेनमार्क, चीन, जापान, अमेरिका, भारत, पाकिस्तानलगायतका मुलुकका नागरिक छन् ।