काठमाडौँ– नेकपाका नेता तथा विघटित प्रतिनिधिसभाका सदस्य छक्कबहादुर लामाले आफ्नो हस्ताक्षरको दुरुपयोग भएको आरोप लगाएका छन् ।
प्रधानमन्त्री केपी शर्मा ओलीविरुद्ध अविश्वास प्रस्तावका लागि संकलित हस्ताक्षरमा आफ्नो हस्ताक्षरको दुरुपयोग भएको लामाको आरोप छ ।
उनले यसअघि नै अन्य प्रयोजनका लागि गरिएको हस्ताक्षरलाई संसद सचिवालयमा बुझाइएको लामाको भनाइ छ । लामा आज प्रधानमन्त्रीले बोलाएको भेलामा सहभागी हुन बालुवाटार पुगेका छन् ।
हुम्लाबाट तत्कालीन माओवादीको बागी उम्मेदवार बनेर जितेका लामा सांसद निर्वाचित भएपछि नेकपामै सामेल भएका थिए ।
प्रतिक्रिया