काठमाडौं- पछिल्लो २४ घण्टामा काठमाडौं १५२ महिला र २११ पुरुष गरी ३६३ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौंमा २७३ , ललितपुरमा ४९ र भक्तपुरमा ४१ जना कोरोना संक्रमित थपिएका हुन् ।

योसँगै हालसम्म काठमाडौँ उपत्यकामा मात्र कोरोना संक्रमितको संख्या १ लाख १७ हजार ३०५ पुगेको छ ।

पछिल्लो २४ घण्टामा काठमाडौंमा २ जना र ललितपुरमा २ जना गरी ४ कोरोना संक्रमितको मृत्यु भएको छ।

मन्त्रालयका अनुसार हालसम्म काठमाडौंमा मात्र कोरोना संक्रमितको संख्या ९४ हजार ६९ पुगेको छ । जसमध्ये ४५२ जनाको मृत्यु भएको छ भने ८९ हजार ५३० जना निको भएका छन्।

यसैगरी  ललितपुरमा १४ हजार ६४७ जना संक्रमित भएका छन्। जसमा १३९ जना संक्रमितको मृत्यु भएको छ भने १३ हजार ७७३ जना निको भएका छन्।

त्यस्तै भक्तपुरमा हालसम्म संक्रमितको संख्या ८ हजार ५८९ पुगेको छ । जसमा ९७ जनाको मृत्यु भएको छ भने ८ हजार १५९ जना निको भएका छन्।

हाल काठमाडौंमा ४ हजार ८७ ललितपुरमा ७३५ र भक्तपुरमा ३५१ जना सक्रिय संक्रमित रहेको स्वास्थ्य मन्त्रालयले जनाएको छ।