गुलाफको फूल जहाँ पनि सहजै फुल्ने फूल मध्ये एक हो । यसले बगैँचाको सुन्दरता बढाँउछ । तर गुलाफको सुन्दरता बाहेक अन्य उपयोगिता समेत छन् ।

गुलाफको जल बनाएर अनुहार तथा केसमा प्रयोग गरे यसले ब्यक्तित्वमा निखार ल्याउनुका साथै अनुहारको सुन्दरता र चमक बढाउँछ । यसले छालाको पीएचको स्तर सन्तुलन राख्नुको साथै छालालाई समेत सफा पार्दछ ।

गुलाफ जल बनाउने तरीका

आवश्यक सामाग्री : गुलाफको फूल, पानी र बरफ

विधी
– बगैँचा वा बजारबाट गुलाफको फूल ल्याउने ।
– एउटा ठुलो भाँडामा कचौरा अडिने गरी समतल सफा ढुंगा राख्नुहोस् ।
– त्यस भाँडामा आधा लिटर पानीमा १ सय वटा गुलाफको सफा पत्र राख्नुहोस् ।
– अब त्यस भित्र मज्जाले अडिने गरी ढुंगामाथि पानीले नडुब्ने गरी कचौरा राख्नुहोस् ।
– अब यसलाई आगोमा बसालेर माथिबाट हावा लिक नहुने गरी छोप्नुहोस् ।
– छोपीएको भाँडामाथि बरफका २० वटा जति टुक्रा राख्नुहोस् ।
– पानीमा उम्लेको गुलाफको पत्र छोपिएको ढक्कनमा ठोक्किएर कचौरामा जम्मा हुन्छ ।
– त्यही नै गुलाफ जल हो । यसलाई चिसो हुन दिएर प्रयोग गर्नुहोस् ।

गुलाफ जलको फाइदा
१. गुलाफ जलले छालालाई स्वस्थ्य बनाउन सकिन्छ ।
२. गुलाफ जलमा कपास डुबाएर अनुहारमा लगाएमा छालाको फोहोर मैला निस्कन्छ ।
३. नरिवलको तेल गुलाफ जल मिसाएर लगाएमा कपाल नरम, मुलायम र चम्किलो हुन्छ ।
३. कुनैपनि घाउमा गुलाफ जल लगाएमा यसले औषधीमा लाभ पुर्याउँछ ।