काठमाडौँ– प्रमुख प्रतिपक्ष दल नेपाली काँग्रेसका नेता गगन थापाले सरकारले जारी गरेको संवैधानिक परिषद् ऐन संशोधन अध्यादेशप्रति कटाक्ष गर्दै संवैधानिक व्यवस्थाको खिल्ली उडाएको तर्क गरेका छन् ।

सामाजिक सञ्जालमा उनले लेखेका छन्, ‘ संसद बन्द गर्ने अनि संविधानको व्यवस्थाको खिल्ली उडाउने प्रावधान राखेर राष्ट्रपतिसंगको साठगाँठमा अध्यादेश जारी गर्ने K P Sharma Oli सरकारको यो असंवैधानिक र निरङ्कुश कदमलाई असफल बनाएरै छाड्नेछौं । सडक र सदनको बलबाट । जनताको साथ र शक्तिबाट ।’

आज बसेको मन्त्रिपरिषदको बैठकको सिफारिसमा राष्ट्रपतिले संवैधानिक परिषद् ऐन संशोधन अध्यादेश जारी गरेकी हुन । अध्यादेशलाई लिएर प्रतिपक्षी दलका नेताहरुले मात्र नभएर सत्तारुढ दलकै नेताले समेत विरोध जनाएका छन् ।